Solidariedade Internacional de Galicia

Inscríbete!

• Nós
• Cooperación
• Sensibilización
• Comercio Xusto
• Voluntariado
• Colabora
• Blog

Entradas etiquetadas ‘pobreza cero’

Semana galega de movilización contra a pobreza

10/10/2011

Para denunciar, visibilizar e esixir responsabilidades á Xunta de Galicia en relación ao recortes en materia de cooperación ao desenvolvemento, envía a túa queixa ao Valedor do Pobo.

Dende a Coordinadora temos elaborado un modelo de carta máis un espazo na nosa web para que coñezas as formas de envío das queixas. Cantas máis cartas enviemos, mellor. Demostremos así que somos moitos e moitas as que estamos a favor da xustiza social e a solidariedade, e en contra da política de recortes da Xunta.

Difundades a campaña entre as túas amizades, compañeiro/as de traballo, familiares… E utiliza as redes socias para compartir o enlace da campaña: http://galiciasolidaria.org/campanas.php?c=4

Participa nas actividades da túa cidade ou vila

Sae a rúa contra a pobreza! E infórmanos das túas actividades!

A CORUÑA

Obradoiro do teatro d@ oprimid@
Día: 14 ao 16 de outubro
Pendente confirmación horario e lugar
Organiza: ACSUR Galiza

Teatro contra a pobreza
Día: 14 de outubro
Lugar: Praza do Obelisco
Hora: 18:00
Coordina: Arquitectos sen Fronteiras

ALLARIZ

Exposición «Mulleres maias unidas, queremos ensinar, queremos aprender»
Día: do 10 ao 14 de outubro
Lugar: Fogar do maior (A Barreira, 3)
Hora: de 10:00 a 18:00 horas
Organiza: Arquitectos sen Fronteiras

LUGO

Teatro contra a pobreza
Día: 14 de outubro
Lugar: 1º pase, Praza de Santo Domingo; 2º pase, Praza Maior
Hora: 1º pase, 12:00 horas; 2º pase, 19:00 horas
Coordina: A Cova da Terra

PONTEVEDRA

Teatro contra a pobreza
Día: 13 de outubro
Lugar: Praza da Peregrina
Hora: 18:00 horas
Coordina: AGARESO

SANTIAGO DE COMPOSTELA

Entrega de queixas ao Valedor do Pobo
Día: 11 de outubro
Lugar: sede do valedor do Pobo (Horreo, 65)
Hora: 12 horas
Organiza: Coordinadora Galega de ONGD

Teatro contra a pobreza
Día: 12 de outubro
Lugar: Praza das Platerías
Hora: 12:00 horas
Organiza: Coordinadora Galega de ONGD

Xornada formativa sobre masculinidades
Día: 12 de outubro
Lugar: Praza do matadoiro, 7
Horario: de 9:00 a 20:00 horas
Organiza: InteRed

VIANA DO BOLO

Teatro contra a pobreza
Pendente de confirmación o día e a hora
Organiza: IES Carlos Casares

VIGO

Exposición Portas
Día: do 10 ao 16 de outubro
Lugar: casa das Artes (Policarpio Sanz, 15)
Hora: de 18:00 a 21:30 horas (de luns a venres) e de 11:00 a 14:00 e de 18:00 a 21:30 o sábado.
Organiza: Plataforma 2015 y más

Participa nas mobilizacións do 15-M na túa cidade

Dende a Coordinadora Galega de ONGD apoiamos o movemento 15-M, mesmo participamos no Foro de Asociacións que organizou o colectivo este verán.

Neste sentido, animámosvos a saír á rúa en contra a pobreza nas distintas manifestacións que, o 15 de outubro e baixo o lema «Por un cambio de modelo político, económico e social», terán lugar en A Coruña, Lugo, Ourense, Pontevedra e Santiago de Compostela.

Difúndeo nas redes sociais

Cada persoa conta!

• Faite amigo/a do noso Facebook e axúdanos a difundir a campaña nas redes sociais!
• Se tes espírito de reporteir@, fala sobre a Semana no teu blog. E mándanos o enlace!
• Envíanos un vídeo no que apareza o lema da Semana Esixe Pobreza Cero. A solidariedade non se recorta”) e no que lles expliques aos gobernantes que pensas sobre os recortar nas políticas sociais e de solidariedade.
• Fala da Campaña entre as túas amizades e familiares.

Etiquetas: 15-m, pobreza cero
Posted in Uncategorized | No hay comentarios »

Concerto “Pobreza Cero” en Vigo

01/12/2009

Xoves 3 de Decembro – 21:00h
Sala Mondo (Rúa Joaquín Loriga, 3). Vigo
Entrada 2€
Coas actuacións de:

• SEPTIEMBRE
• PORTRAIT
• CARABA
• TOXIC PATROL
• JINGHANG MAN

Consulta máis información na web de Pobreza Cero.

Etiquetas: concerto, pobreza cero
Posted in Uncategorized | 1 Comentario »

Por un pacto galego contra a pobreza

27/10/2009

O pasado 17 de outubro, tivo lugar en Vigo a manifestación que serviu de peche da “Semana Galega Pobreza Cero”.   Unha semana na que outras moitas cidades galegas como Santiago, Ourense, Lugo, Pontevedra, Ferrol ou A Coruña acolleron distintas actividades nas que centos de galegos e galegas puideron mostrar o seu compromiso na loita contra a pobreza.

A Campaña Pobreza Cero constitúe unha das maiores mobilizacións que cada ano, arredor do 17 de outubro, teñen lugar en España e en Galicia, e na que participan a case totalidade das ONGD españolas e galegas, entre elas, Solidariedade Internacional de Galicia.

Nesta ocasión o obxectivo da campaña en Galicia centrouse na reivindicación dun Pacto Galego contra a Pobreza no que os partidos políticos con representación no parlamento galego comprométanse a por en marcha  as medidas políticas que require o cumprimento dos Obxectivos do Milenio.

E precisamente por este motivo, o pasado día 16 de outubro, os membros da Comisión de Incidencia da Coordinadora Galega de ONGD´s reuniron no Consello da Cultura Galega a representantes das diferentes forzas políticas galegas, así coma outros actores representativos da sociedade ós que instamos  a impulsar a firma dese pacto cuxos contidos poderíanse resumir en:

• Compromisos para aumentar a Axuda Oficial ao desenvolvemento, ata acadar o 0,7 % do PIB da Comunidade Autónoma.
• Compromisos na potenciación de campañas de sensibilización para a cancelación da Débeda externa.
• Compromisos co cambio das políticas comerciais inxustas que rexen as relacións económicas cos países do Sur; consumo responsable, compra pública ética, comercio con xustiza…

Solidariedade Internacional de Galicia, como membro da Comisión de Incidencia política da Coordinadora Galega de ONGD´s, está a participar activamente deste iniciativa que, o pasado día 16, non fixo máis que sentar as bases dun proceso que deberá culminar coa firma dese Pacto galego contra a Pobreza.

Etiquetas: pacto galego, pobreza, pobreza cero
Posted in Uncategorized | No hay comentarios »

XHTML Válido | CSS Válido    Creación web: Máis Que Deseño 2009

Solidariedade Internacional de Galicia | Vereda del Polvorín, 2 15002 - A Coruña | Teléfono: 981 24 35 06 | Correo electrónico: direccion@solidaridadgalicia.org