Entradas etiquetadas ‘encontro’
Encontro “As mulleres alimentan o mundo”
16/03/2011
Os vindeiros 25 e 26 de marzo, no Auditorio Municipal de Lalín, mulleres procedentes de Sri Lanka, Cabo Verde e Nicaragua participarán dun encontro con mulleres de toda Galicia no que se analizarán aspectos coma o papel da muller como produtora e consumidora de alimentos, a soberanía alimentaria como o dereito dos pobos e comercio xusto como ferramenta de loita contra a desigualdade de xénero e social. Ler máis.
Solidariedade Internacional de Galicia suma o seu esforzo ó de outras entidades galegas que traballan no eido do comercio xusto e o consumo responsable para impulsar a campaña “As mulleres alimentan o mundo”.
Este proxecto pretende incidir no eido da Muller e o comercio xusto, concretamente busca atopar sinerxias entre mulleres do rural galego a as mulleres produtoras do Sur, que participan en proxectos ou iniciativas de comercio xusto.
A importancia do papel da muller como proveedora de alimentos no Sur e consumidora final no Norte, e a necesidade de abordar a desigualdade de xénero no ámbito da cooperación ó desenvolvemento, e a liña argumental dos contidos desta iniciativa.
Como acto central da mesma, os dias 25 e 26 de marzo celebrarase un encontro internacional no que se expoñerán as situacións de desigualdade, e explotación ás que se enfrontan as mulleres rurais tanto no Norte coma no Sur, as particularidades de cada unha das áreas xeográficas representadas e a contribución que, dende o consumo, se fai de cara a perpetuar ditas situacións. Así mesmo, e a modo de conclusión abordarase cómo dende o movemento de Comercio Xusto pódense introducir cambios de cara á consecución dunhas relacións comerciais máis xustas e equitativas.
Se queres asistir, cubre este formulario e sigue as indicacións.
O programa do encontro é o seguiente:
Venres 25 de marzo
- 16:00. Recepción e entrega de documentación
- 16:30. Inaguración
- 16:45. Resumo Primeira etapa proxecto
- 17:00. Mesa redonda. Definición de conceptos: Comercio Xusto e Soberanía Alimentaria
- 18:00. Descanso. Pausa café
- 18:15. Mesa redonda: Mulleres produtoras de Asia, América latina, África e Galicia.
- 20:30. Peche
Sábado 26 de marzo
- 10:00. Resumo da xornada anterior
- 10:30. Grupos de traballo*
- 12:00. Descanso. Pausa café
- 12:30. Grupos de traballo*
- 13:30. Conclusións
- 14:00. Xantar
- 16:30. Obradoiro empoderamento
- 18:00. Descanso. Pausa café
- 18:30. Retos futuros
- 19:30. Conclusións
- 20:00. Próximas actuacións do proxecto: Día do Comercio Xusto
- 20:30. Clausura
* Grupo 1: Comercio Xusto e Soberanía Alimentaria.
* Grupo 2: Comercialización e estratexias de mercado.
* Grupo 3: Consumo Responsable: Educación ó consumo.
Etiquetas: comercio xusto, encontro, Lalín, soberanía alimentaria
Posted in Uncategorized | No hay comentarios »
Encontro de Solidaridad Internacional en Madrid
01/02/2010
Entre os días 11 e 15 de xaneiro, todo/as o/as membros de Solidaridad Internacional déronse cita en Madrid para artellar mecanismos de coordinación e mellora de cara ós vindeiros anos.
Solidariedade Internacional de Galicia acudiu o pasado mes de xaneiro ó Encontro Anual de Solidaridad Internacional celebrado en Madrid. Ó encontro acudiron, así mesmo, membros da Fundación Solidaridad Internacional, técnico/as e directivo/as das asociacións territoriais en Andalucía, País vasco e Valencia, representantes das distintas delegacións en España, así coma cooperantes e personal local de todos os países ónde estamos presentes.
Durante cada unha das xornadas, ademáis de facer balance do feito durante o ano 2009, puidéronse expoñer as liñas de actuación a seguir por todo/as durante o 2010. Espazos de discusión e análise sobre como continúar mellorando a labor de Solidaridad Internacional no seu conxunto, completaron unha programación que serviu ademáis para atoparnos con todo/as aqueles que fan posible a existencia desta entidade moi lonxe de nós.
Etiquetas: encontro, madrid
Posted in Uncategorized | No hay comentarios »
Boletín
Suscríbete ó boletín de Solidariedade Internacional de Galicia e recibe información sobre as nosas actividades.
Redes sociais
Revista
Catálogo
Descárgate o catálogo para ver os productos de Comercio Xusto.
Podrás atopar estes productos nas nosas tendas.
XHTML Válido | CSS Válido Creación web: Máis Que Deseño 2009
Solidariedade Internacional de Galicia | Vereda del Polvorín, 2 15002 - A Coruña | Teléfono: 981 24 35 06 | Correo electrónico: direccion@solidaridadgalicia.org
Web subvencionada por:
