Solidariedade Internacional de Galicia

Entradas etiquetadas ‘comercio xusto’

Salvados, polo comercio xusto

26/02/2016

Comercio xusto

O pasado domingo, o programa Salvados, conducido por Jordi Evole, amosounos unha realidade que hai moito tempo vimos denunciando dende Solidariedade Internacional. Pero isto non é novo, quizais sí o feito de que unha televisión xeralista o recolla na súa programación.

Pero o que vimos é tan só a punta do iceberg, quizais a consecuencia máis dramática dun modelo de consumo que nos invita a comprar unha prenda de vestir cada 9 días, que xa está a impoñer un cambio de tempada cada 15, que non contempla ningunha outra lóxica que non sexa a de maximizar os beneficios.

O noso consumo, hoxe, nútrese de condicións laborais que atentan contra a dignidade das persoas, que promoven a “neoescravitude” de moitas sociedades en países xa empobrecidos que ven así comprometida calquera posibilidade de desenvolvemento humano sostible.

O noso consumo, hoxe, ten consecuencias medioambientais irreversibles, un exemplo claro é o ocorrido no Mar de Aral ónde, o cultivo do algodón ten acabado practicamente co que fora o cuarto lago máis grande do mundo.

O noso consumo, hoxe, favorece o mísero desmantelamento dos nosos tecidos produtivos locais e con el as oportunidades de vida de moitas persoas.

O noso consumo, hoxe, ameaza a riqueza que supón a diversidade cultural da vestimenta tradicional. A producción e comercialización masiva dos produtos textis inundan os mercados locais de todo o mundo das mesmas pezas de roupa acabando coas tradicións de uso e elaboración.

O noso consumo, hoxe, concentra os recursos nunhas poucas mans. A obscenidade da riqueza dun home fronte a miseria de millóns de persoas.

Por todo isto, dende Solidariedade Internacional rexeitamos comportamentos empresariais que afecten ao medio ambiente, ás condicións laborais e de saúde de traballadores e traballadoras, á identidade cultural, a unha xusta redistribución dos recursos.

En materia laboal, reivindicamos condicións dignas. O que é xusto para nos é xusto para todo/as e, polo tanto, deben cumprirse uns dereitos laborais mínimos, non os “seus mínimos” sino uns mínimos que permitan levar unha vida que mereza a pena ser vivida. Cumprir co SMI de cada país se este apenas cubre as necesidades básicas non é digno, os accidentes in itinere tamén son accidentes de traballo e a empresa debe por todos os medios para evitalos, un traballador debe entender o que son unhas vacacións e, por suposto ter dereito a elas…

Pedimos aos consumidores que se interesen pola procedencia das prendas. Que pregunten SEMPRE aos dependentes/as das tendas se saben onde e como se fabrican estes produtos que teñen á venda e que omitan comprar se non o ven claro.

Dende Solidariedade Internacional de Galicia, queremos aproveitar este feito para seguir insistindo na importancia das alternativas que, coma o Comercio Xusto, pretenden facer dos nosos actos de consumo, expresións de activismo polo cambio cara un modelo económico ónde, as persoas, sexan o primeiro.

Dende S.I de Galicia imos seguir traballando, dende as nosas tendas, dende as nosas palestras, dende as nosa vida cotiá…sabemos que non é fácil pero somos moitos e moitas e non podemos deixar de intentalo.

Etiquetas:
Posted in Uncategorized | No hay comentarios »

11 de maio de 2013 Día Internacional do Comercio Xusto

09/05/2013

Nese día as organizacións solidarias de Galicia xúntanse nas súas prazas para dar demostración do que significa seguir o ideal dun comercio xusto e responsable.

Como todos os anos Solidariedade Internacional de Galicia participa activamente a ese proxecto para sensibilizar as persoas ao comercio solidario e para aproximalas a un xeito de pensar máis innovador.

A partir das 11:00

A Coruña: Praza de Pontevedra
Ourense: Rua de Paseo
Pontevedra: Praza Peregrina
Vilagarcía de Arousa: Praza de Galicia

O 11 de Maio 2013 en 73 países do mundo vaise celebrar o Día Internacional do Comercio Xusto.

Un día que ten a finalidade de recordar que existe unha alternativa ás formas ordinarias de comerciar que favorece a igualdade entre os traballadores, a calidade e a produción sostible e o coidado do medio.

Apoiando o comercio xusto favorécese a creación de novas canles comerciais innovadoras que respectan os valores socio-ambientais.

Terán presencia moitas outras organizacións que se involucran no comercio de produtos alimentarios e artesanía solidarios e tamén organizacións que se adican a outro tipo de comercio solidario como o de enerxías sostibles, economía social, arquitectura que respecta o medio e de banca ética; Intermón Oxfam, Labañou Solidaria, Zocamiñoca, Hábitat Social, Os Pico do Sol, Proxectos Mulleres Colleiteiras, Som Energia, One Reagge Band, A Casa Tomada, Bricolabs, Rainha Lupa, Rede de Troco Coruña, Tiruleque, Val de Barcia, Veloaivai, Leira Longa, Proxecto Integral, son as organizacións que confirmaron a súa presenza en A Coruña.

Na xornada haberá degustacións, charlas, xogos para os nenos; un espazo aberto para a participación e o diálogo,todo encamiñado a sensibilizar as persoas sobre consumo responsable e aproximalas á filosofía da economía social.

Nós, como consumidores, temos que ser responsables e apoiar este tipo de comercio e  economía social.

Por iso, o do 11 de Maio, será un día moi interesante para coñecer os valores do comercio xusto e tamén para pasar unha xornada diferente na que pode reflexionar sobre o noso xeito de consumir.

Programa

A CORUÑA

Hora: de 11:00 ata 21:00 horas
Lugar: PRAZA DE PONTEVEDRA
Organizacións: Proxecto Integral, Fiare, Intermón Oxfam, Solidaridade Internacional, Labañou Solidaria, Som Energia, Os Picos do Sol, Arquitectos sen Fronteiras, Proxecto Mulleres Colleiteiras, Veloaivai, Bicimensaxería, Tiruleque, Rede de Troco Coruña, Saca de Favores, Reciclín Reciclán, Taller de Polo, Á Casa, Tomada, Bricolabs, One Reagge Band, Zocamiñoca, Leira Longa, Rainha Lupa, Val de Barcia.

Actividades:

PONTEVEDRA

Hora: a partir das 11:00
Lugar: PRAZA DA PEREGRINA
Organizacións: Solidaridade Internacional de Galicia

Actividades:

OURENSE

Hora: a partir das 11:00
Lugar: RUA DOMINGO PASEO
Organizacións: Solidaridade Internacional de Galicia

Actividades:

VILAGARCÍA DE AROUSA

Hora: a partir das 11:00
Lugar: PRAZA DE GALICIA
Organizacións: Solidaridade Internacional de Galicia

Actividades:

Etiquetas:
Posted in Uncategorized | 2 Comentarios »

Día Internacional do Comercio Xusto

12/05/2011

Dende Solidariedade Internacional de Galicia convidámoste a participar no Día Internacional do Comercio Xusto, Sábado 14 de maio, que terá lugar paralelamente en seis cidades galegas:

Poderás disfutar dás seguintes actividades: degustación de produtos de comercio xusto, música, exposición e venta de produtos, obradoiros para nen@s e animación de rúa.

Valo perder?

Etiquetas: , ,
Posted in Uncategorized | No hay comentarios »

Encontro “As mulleres alimentan o mundo”

16/03/2011

Rolda de prensaOs vindeiros 25 e 26 de marzo, no Auditorio Municipal de Lalín, mulleres procedentes de Sri Lanka, Cabo Verde e Nicaragua participarán dun encontro con mulleres de toda Galicia no que se analizarán aspectos coma o papel da muller como produtora e consumidora de alimentos, a soberanía alimentaria como o dereito dos pobos e comercio xusto como ferramenta de loita contra a desigualdade de xénero e social. Ler máis.

Solidariedade Internacional de Galicia suma o seu esforzo ó de outras entidades galegas que traballan no eido do comercio xusto e o consumo responsable para impulsar a campaña “As mulleres alimentan o mundo”.

Este proxecto pretende incidir no eido da Muller e o comercio xusto, concretamente busca atopar sinerxias entre mulleres do rural galego a as mulleres produtoras do Sur, que participan en proxectos ou iniciativas de comercio xusto.

A importancia do papel da muller como proveedora de alimentos no Sur e consumidora final no Norte, e a necesidade de abordar a desigualdade de xénero no ámbito da cooperación ó desenvolvemento, e a liña argumental dos contidos desta iniciativa.

Como acto central da mesma, os dias 25 e 26 de marzo celebrarase un encontro internacional no que se expoñerán as situacións de desigualdade, e explotación ás que se enfrontan as mulleres rurais tanto no Norte coma no Sur, as particularidades de cada unha das áreas xeográficas representadas e a contribución que, dende o consumo, se fai de cara a perpetuar ditas situacións. Así mesmo, e a modo de conclusión abordarase cómo dende o movemento de Comercio Xusto pódense introducir cambios de cara á consecución dunhas relacións comerciais máis xustas e equitativas.

Se queres asistir, cubre este formulario e sigue as indicacións.

As mulleres alimentan o mundoO programa do encontro é o seguiente:

Venres 25 de marzo

Sábado 26 de marzo

* Grupo 1: Comercio Xusto e Soberanía Alimentaria.
* Grupo 2: Comercialización e estratexias de mercado.
* Grupo 3: Consumo Responsable: Educación ó consumo.

Etiquetas: , , ,
Posted in Uncategorized | No hay comentarios »

Cabalgatas xustas e sen glute

27/12/2010

Como cada ano, con motivo das tradicionais cabalgatas de reis, cóntanse por toneladas os caramelos que son distribuidos entre os nenos e nenas galegos/as. Tamén, cada ano, tanto dende a Asociación de Celíacos de Galicia como dende Solidariedade Internacional de Galicia éste é o momento para reivindicar que estes caramelos sexan libres de glute e elaborados segundo os criterios de Comercio Xusto, deste xeito, ambas entidades reclaman o compromiso das instituciós locais galegas coas súas respetivas causas que, tanto nun caso coma noutro, teñen coma obxectivo mellorar as condicións de vida de milleiros de persoas.

Este ano e por primera vez, o obxectivo é único e a campaña para impulsar la incorporación de caramelos de Comercio Xusto e sen glute será realizada de maneira conxunta entre ACEGA e Solidariedade Internacional de Galicia.

Durante este nadal, as dúas organizacións galegas porán en marcha unha iniciativa dirixida a todos os concellos da nosa comunidade, algúns dos cales xa levan traballando nesta líña dende hai anos.

Para ampliar a información poden chamar ó 657 202 890 (María Paz – Solidariedade Internacional de Galicia) ou ó 679 461 003 (Isabel – ACEGA).

Etiquetas: , , ,
Posted in Uncategorized | No hay comentarios »

Para o teu concello; caramelos nas cabalgatas de Reis

13/12/2010

Contanse por toneladas as cantidades de caramelos que, cada ano, repártense entre nenos e nenas de todos os concellos galegos con motivo da celebración do día de reis. Optar pólo Comercio Xusto pode ser, neste caso, unha opción de compra que sirva, dunha banda para amosar o compromiso das institucións públicas cos dereitos dos traballadore/as do Sur, o tempo que serve de exemplo ó resto da cidadania. Leer mais.

Dende Solidariedade Internacional de Galicia cada nadal promovemos a incorporación de caramelos de Comercio Xusto nas tradicionais cabalgatas de reis. Unha orixinal e sinxela forma de promover dende as administracións públicas o Comercio Xusto e o consumo responsable.

Os caramelos de Comercio Xusto son, en concreto, unha alternativa que axuda a mellorar as condicións de vida de centenares de pequenos agricultores de dúas cooperativas de Isla Mauricio e Paraguay respectivamente.

Fai o teu pedido no 981 24 35 06 ou envia um e-mail a direccion@solidaridadgalicia.org

Etiquetas: , , ,
Posted in Uncategorized | No hay comentarios »

Para a túa empresa; cestas e lotes de Comercio Xusto

13/12/2010

As empresas son tamén consumidoras e, como tales, poden ter no Comercio Xusto unha forma responsable de exercer o seu poder para facer un mundo mellor.

Solidariedade Internacional de Galicia ten en marcha unha campaña a través da cal facilítase a incorporación destes produtos no ámbito empresarial a través da venda e sensibilización ó personal empregado. Como parte desta iniciativa, cada Nadal ofrecemos a oportunidade de confeccionar lotes e cestas de produtos de Comercio Xusto.

As cestas de Nadal de Comercio Xusto están compostas por produtos de alimentación de alta calidade. Os lotes son presentados en cestas de fibra natural producidos por cooperativas de Comercio Xusto de Bangladesh e Vietnam recheas de viruta de madeira limpa.

Fai o teu pedido no 981 24 35 06 ou envia un e-mail a direccion@solidaridadgalicia.org

Etiquetas: , ,
Posted in Uncategorized | No hay comentarios »

Comercio Xusto na rúa Real de A Coruña!!

24/09/2010

Nova tenda de comercio xusto en A CoruñaO pasado luns, a tenda de Comercio Xusto de A Coruña abriu as súas portas nunha nova ubicación. O número 2 da rúa Alcalde Canuto Verea, moi preto da rúa Real, pasa a ser así un novo espazo ónde achegarse a un modelo de comercialización que defende os dereitos laborais dos traballadores e traballadoras do Sur.

Unha céntrica rúa da cidade que permititrá dar a coñecer esta alternativa comercial a un maior número de persoas. Produtos de alimentación, artesanía, textil… que contribúen a mellorar as condicións de vida de milleiros de homes e mulleres de países en Africa, América Latina e Asia.

O Comercio Xusto pode ser unha poderosa ferramenta na loita contra a pobreza. Achégate o novo establecemento de Solidariedade Internacional de Galicia en A Coruña e comprobao.

Recorda, na rúa Alcalde Canuto Verea, número 2 e, se queres chamar, o teléfono é o 881 92 92 02.

Nova tenda de comercio xusto en A Coruña na rúa Alcalde Canuto Berea, 2

Etiquetas: , ,
Posted in Uncategorized | No hay comentarios »

Padrón merca Con Sentido

14/07/2010

Padrón merca Con SentidoO pasado domingo día 4 de xullo tivo lugar no concello de Padrón a campaña Comercio con-Sentido onde membras e membros de Solidariedade Internacional de Galicia realizaron varias actividades indagando nas diferentes formas de comercialización tradicional de varios produtos coma o cacao, o té, o café, o azucre e o algodón que se obteñen de xeito case ilícito vulnerando os dereitos laborais de moitas persoas.

Sabemos que a maioría da poboación en xeral non é consciente de que os produtores e produtoras no Sur son sistematicamente explotados a cambio dun salario mísero, por iso é moi importante que se leven a cabo estas campañas e que cheguen ao maior número de xente posible. Afortunadamente o concello de Padrón opina do mesmo xeito, e brindounos esta magnífica oportunidade de poder difundir esta realidade tan incómoda e silenciada en tantas ocasións.

A campaña de Solidariedade Internacional de Galicia “Comercio Con-Sentido” en Padrón contou con cinco stands onde se daba información sobre a realidade “escura” que rodea a algúns alimentos que soemos consumir na nosa vida cotiá como son o café, o té, o algodón, o cacao e o azucre. Produtos cuxa procedencia cultural nos son afastadas e cunha poboación que sufre o azote da presión das grandes compañías. Asemade, se aportaban outros datos relacionados coa súa orixe, variedades, características e curiosidades… Como colofón, os e as asistentes puideron deleitar dunha ampla variedade de refrixerios de Comercio Xusto.

Por outra banda, os stands estiveron acompañados dunha exposición de 11 despregables onde se recollía información xeral sobre as normas que rexen o comercio internacional representadas a traveso destes cinco comestibles que consumimos tan habitualmente. Ditos despregables recollen todo o proceso de producción e comercialización achegándonos á magoada realidade do productor ou productora a causa do férreo control de prezos que exercen as multinacionais.

Etiquetas: ,
Posted in Uncategorized | No hay comentarios »

Nova Xornada polo Comercio Xusto. Queres botar unha man?

05/05/2010

Un ano máis e co galo do Día Mundial do Comercio Xusto, Solidariedade Internacional de Galicia sae a rúa para achegar este movemento a galegos e galegas. Distintas cidades e vilas galegas acollerán unha festa na que a loita contra a explotación do Sur é a protagonista. Se queres colaborar como voluntario/a nalgunha das propostas para esta xornada, contacta con nós enviando un mail a voluntariado.coruna@solidaridadgalicia.org

A pobreza, o cambio climático e a crise financeira están manufacturados. Isto pode cambiar. O Comercio Xusto aporta unha inversión vital ao produtor e á práctica empresarial sostible globalmente. O Día Mundial do Comercio Xusto é un gran día para o planeta, é unha celebración internacional con acontecementos que terán lugar en máis de 80 países.

Solidariedade Internacional de Galicia non é allea a esta data e, como vimos facendo dende hai xa máis de 12 anos, estamos a organizar distintas propostas que inclúen almorzos, mercados, degustacións, actividades de rúa…

Unha festa que celebraremos en colaboración con outras organizacións de Comercio Xusto coas que estamos a traballar conxuntamente a través da Comisión de Comercio Xusto da Coordinadora Galega de ONGDs.

Consulta as cidades e datas propostas e participa da celebración:

Etiquetas:
Posted in Uncategorized | No hay comentarios »

Boletín

Suscríbete al boletín

Suscríbete ó boletín de Solidariedade Internacional de Galicia e recibe información sobre as nosas actividades.

Redes sociais

Revista

Revista en PDF

Descárgate o último número da nosa revista.

Tamén podes consultar as nosas publicacións anteriores.

Catálogo

Catálogo de Comercio Xusto en PDF

Descárgate o catálogo para ver os productos de Comercio Xusto.

Podrás atopar estes productos nas nosas tendas.

El Tesoro de Acahualinca
Tecendo Historias de Muller
Non te consumas
Pobreza Cero
Asociación Fiare Zona Centro

Creación web: Máis Que Deseño 2009
XHTML Válido | CSS Válido

Solidariedade Internacional de Galicia | Vereda del Polvorín, 2 15002 - A Coruña | Teléfono: 981 24 35 06 | Correo electrónico: direccion@solidaridadgalicia.org

Web subvencionada por:

Xunta de Galicia - Consellería de Presidencia, Administracións Públicas e Xustiza