Solidariedade Internacional de Galicia

Tecendo Historias de Muller

Tecendo historias de muller é a campaña educativa que Solidariedade Internacional de Galicia levará a cabo na nosa Comunidade Autónoma neste ano 2011 e que continuará no 2012 e que está financiada pola Xunta de Galicia dentro da Subdirección Xeral de Cooperación Exterior.

Tecendo Historias de MullerO traballo no tema de xénero é imprescindible para a nosa organización polo que esta nova iniciativa, pretende continuar co proceso de sensibilización sobre equidade de xénero que comezamos no ano 2002 con propostas como Mundo; non é masculino singular e que continuou con Escravas no século XXI, Explotadas e Iguais no 2015.

Con esta nova iniciativa pretendemos:

  • Dunha banda difundir os compromisos internacionais adquiridos no Cumio do Milenio ( no ano 2000) a través do ODM3: promover a equidade entre os xéneros e a autonomía da muller.
  • Doutra banda, tratar de promover a toma de conciencia da problemática da desigualdade de xénero e a comprensión das súas causas estruturais, particularmente nos países en desenvolvemento, para así aumentar a vontade de participación no traballo de xénero.

Nese fin que persegue a organización, de integrar a Cooperación nos países empobrecidos, coa Sensibilización e a Educación para o Desenvolvemento na nosa Comunidade Autónoma, propomos esta iniciativa que une as dúas vías de traballo da ONGD: a campaña educativa Tecendo Historias de Muller e os proxectos de cooperación que están traballando o tema de xénero nos distintos países nos que ten presenza Solidariedade Internacional de Galicia.

Para iso, desenvolverase unha iniciativa na que se realizaran diversas actividades:

Obradoiros nos centros de ensino secundario de Galicia.

Estes obradoiros comezarán no mes de Novembro e a continuación relacionamos os que neste momento están participando:

  • Lugo
    • IES Poeta díaz Castro. Guitiriz. 22 de Novembro
    • IES Dionisio Gamallo Ferro. Ribadeo. 29 de Novembro
  • Coruña
    • IES Melide. Melide. 16 de Novembro
    • IES Isidro Parga Pondal. Carballo. 17 de Novembro
    • IES Alfonso X O Sabio. Cambre. 18 de Novembro
    • IES Ames. Ames. 28 e 30 de Novembro
    • IES Mugardos. Mugardos. 2 de Decembro
  • Pontevedra
    • IES San Paio de Tuí. Tuí . 21 de Novembro
    • IES Castro Alobre. Vilagarcía de Arousa. 25 de Novembro
  • Ourense
    • IES Allariz. Ourense. 15 de Novembro
    • IES Blanco Amor. Ourense

A través dun xogo, educadoras de Solidariedade Internacional de Galicia traballaran coas mozas e mozos os ámbitos no que a desigualdade entre mulleres e homes está presente.

Este xogo deseñouse a través do traballo en xénero realizado polas cooperantes da organización en países como Bolivia, Guatemala, Palestina e Senegal e as historias de vida de mulleres e homes destinatarias/os de este traballo que se traduce en proxectos de cooperación.

As mozas e mozos que participan na campaña participaran nun concurso de relatos e de fotografía que teñan de fondo os temas tratados nos obradoiros.

Resumo das bases do Concurso Tecendo Historias de Muller

Creación do libro Tecendo Historias de Muller

Esas mesmas historias de vida que nos serviron para deseñar os obradoiros educativos, serán noveladas por autoras e autores galegas/os de renome e xunto cos relatos e fotografías do concurso xuvenil, serán as que se recollan nun libro que terá o título de Tecendo historias de muller.

Teatro de Rúa

No mes de Marzo do 2012, desenvolverase unha campaña de información e sensibilización cara a cidadanía galega a través de espectáculos de rúa (sketchs teatrais) sobre a situación de desigualdade á que se enfrontan as mulleres nos países empobrecidos, incidindo no compromiso adquirido polo goberno español a través dos Obxectivos do Cumio do Milenio, nas seguintes vilas galegas.

  • 8 DE MARZO
    • A Coruña. 12:00h. Salón de Actos, Facultade Ciencias da Educación
  • 9 DE MARZO
    • Ourense. 12:00h. Rúa do Paseo (altura das Galerías Centráis)
  • 10 DE MARZO
    • Poio. 12:00h. Praza da Chouza, Combarro
    • Pontevedra. 18:00h. Praza da Peregrina
  • 11 DE MARZO
    • Padrón. 12:00h. Praza de Macías
  • 12 DE MARZO
    • Bueu. 12:00h. Montero Ríos, zona do Mercado
  • 17 DE MARZO
    • Vilagarcía. 12:00h. Rúa Castelao (en fronte do Casino)

Resolución Concurso: Relatos e Fotografías

O xurado despois de valorar tanto os relatos como as fotografías presentadas ao concurso decidiu por unanimidade premiar os seguintes traballos:

Categoría Relatos:

  • IES Allariz (Ourense).
    Título: Mujeres en el mundo
    Curso: 2o ESO A.
    Alumno: Luís Pérez Álvarez

  • IES Eduardo Blanco Amor (Ourense)
    Título: Ayúdate
    Curso: 4o ESO D
    Alumno: Borja España Fernández

  • IES Ames ( A Coruña)
    Título: Diario dunha adolescente
    Curso: 3o ESO D
    Alumna: Nerea Montes Pérez

  • IES Ames (A Coruña)
    Título: Está máis preto do que aparenta
    Curso: 3o ESO D
    Alumna: Sandra Abel Grandío

  • IES Alfonso X “O Sabio” (A Coruña)
    Título: Historia de Elena
    Curso: 1o BAC
    Alumnos: Jorge Fraga, David Torreiro e Iván Regueiro

Categoría Fotografías:

  • IES Allariz (Ourense)
    Título: A violencia sempre nos fai dano
    Curso: 2o ESO
    Alumnos: Celso Simón Ons Castro e Cristhian Rivero Vidal

  • IES Isidro Parga Pondal (A Coruña)
    Título: As mulleres tamén gañan
    Curso: 4o ESO A
    Alumno: Anxo Pensado Moreira

  • IES Isidro Parga Pondal (A Coruña)
    Título: Di stop á violencia de xénero
    Curso: 4o ESO A
    Alumnas: Sara Cerviño Bastón, Guadalupe Rama Abelenda e Gema Lage Reyes

  • IES Ames ( A Coruña)
    Título: O sexo é para disfrutar, non para sufrir
    Curso: 3o ESO E
    Alumnos: Cristian Aniceto Vázquez e Javier Pombo Veige

  • IES Eduardo Blanco Amor (Ourense)
    Título: Sempre na defensa da Muller: 016
    Curso: 4o ESO D
    Alumnas: María Ramos Álvarez e Sofía Rodríguez Gómez

Accesit:

  • IES Ames ( A Coruña)
    Título: Urui basu
    Curso: 3o ESO E
    Alumnas: Paloma Brosky Constentino e Nerea Couso do Cabo

Se estás interesado nesta campaña, contacta connosco a través do email;  sensibilizacion@solidaridadgalicia.org

Tamén podes visitar a páxina de Facebook da campaña:

Facebook:Tecendo Historias de Muller en Facebook

Presentación do libro Tecendo Historias de Muller

O pasado mes de Decembro de 2012, celebramos o acto de presentación do libro de Tecendo historias de Muller, no novo espazo que Solidariedade Internacional de Galicia ten en Ourense, en Vento do Sul, no que a nosa tenda de comercio xusto da organización comparte espazo coa libraría Torga, por iso pensamos que sería o lugar ideal para presentar esta iniciativa.

Ademais de ser una acto aberto ao público, asistiu o alumnado e o profesorado do IES Blanco Amor de esta cidade, xa que 3 das súas alumnas e alumnos foron as gañadoras na categoría de relatos e de fotografías.

No acto estivo presente a Directora de Solidariedade Internacional de Galicia, as alumnas e alumnos gañadores falando dos seus traballos e mantívose unha conexión vía skype con Bolivia na que participaron:

  • Javier García de la Oliva cooperante de Solidariedade Internacional de Galicia na Área Andina.
  • Patricia Calisaya, que é a coordinadora do programa de xénero da Confederación de Mulleres Indíxenas Orixinarias de Bolivia Bartolinas Sisa.

Este momento foi moi emotivo para o alumando, profesorado e tamén par ao público asistente ( voluntarias/os do grupo de apoio de Ourense, xente da libraría, clientas/es da tenda de comercio xusto,…) xa que ter en directo o testemuño dunha muller indíxena boliviana que lle estaba a contar en primeira persoa a importancia do traballo de xénero, caloulles moito e complementou o traballado realizado nos obradoiros educativos.

As mozas e mozo gañador do concurso agasallóuselles, ademais do libro, cunhas bufandas, feitas polas mulleres e homes da Banda da Calceta. A banda da calceta é un grupo formado por homes, mulleres, xóvenes e maiores, que se reúnen en Vento do Sul todos os mércores para calcetar e falar da vida. Quixemos vincular este proxecto de Tecendo historias de muller, no que a nosa imaxe era un nobelo de lá con elas e eles, así que durante os mércores do último trimestre do ano 2012, mentres calcetaban e falaban, tamén tiñan momentos para escoitar as mulleres doutros países a través dos vídeos que nos enviaron as nosa/os cooperantes de mulleres de Bolivia, Nicaragua, Guatemala, …

O libro está dispoñible en PDF no seguinte enlace: Tecendo Historias de Muller (PDF)

Boletín

Suscríbete al boletín

Suscríbete ó boletín de Solidariedade Internacional de Galicia e recibe información sobre as nosas actividades.

Redes sociais

Revista

Revista en PDF

Descárgate o último número da nosa revista.

Tamén podes consultar as nosas publicacións anteriores.

Catálogo

Catálogo de Comercio Xusto en PDF

Descárgate o catálogo para ver os productos de Comercio Xusto.

Podrás atopar estes productos nas nosas tendas.

El Tesoro de Acahualinca
Tecendo Historias de Muller
Non te consumas
Pobreza Cero
Asociación Fiare Zona Centro

Creación web: Máis Que Deseño 2009
XHTML Válido | CSS Válido

Solidariedade Internacional de Galicia | Vereda del Polvorín, 2 15002 - A Coruña | Teléfono: 981 24 35 06 | Correo electrónico: direccion@solidaridadgalicia.org

Web subvencionada por:

Xunta de Galicia - Consellería de Presidencia, Administracións Públicas e Xustiza