Solidariedade Internacional de Galicia

Campañas de sensibilización

Coñece as campañas de sensibilización de Solidariedade Internacional de Galicia. Para máis información escríbenos a sensibilizacion@solidaridadgalicia.org

Concellos solidarios

Neste recuncho da web, poderedes atopar as propostas educativas que dende a asociación estamos apoñer en marcha, de cara a colaborar cos concellos Galegos. Ler máis

Padrón Ferrol Cangas Vilagarcía Carballiño

Sensibilización

Dende Solidariedade Internacional de Galicia, comprendemos, cremos e apostamos pola Educación para o Desenvolvemento e a Sensibilización como chave de cambio para conseguir crear estructuras máis xustas e poder lograr así a tan ansiada xustiza social.

Entendemos a Educación para o Desenvolvemento e a Sensibilización ( seguindo a definición da Coordinadora Galegas de ONGDs), coma un proceso para xerar conciencias críticas, facer a cada persoa responsable e activa a fin de construír unha nova sociedade civil, tanto no Norte coma no Sur comprometida coa solidariedade, entendida esta como corresponsabilidade – no desenvolvemento estamos todos embarcados, xa non hai fronteiras nin distancias xeográficas-, e participativa, nas que as súas demandas, necesidades, preocupacións e análises, se teñan en conta a hora de tomar decisións políticas, económicas e sociais.

Solidariedade Internacional de Galicia a través das súas campañas de sensibilización pretende chegar a toda a poboación galega promovendo valores coma a solidariedade, a paz, a tolerancia, a xustiza social, a sensibilización ecolóxica, o consumo responsable, etc, coa intención de provocar cambios nas súas propias vidas e nas das súas localidades. Ten ampla experiencia realizando accións permanentes de sensibilización en máis de 25 concellos de toda Galicia.

Solidariedade Internacional presta especial atención o traballo no entorno educativo, como axente que contribúe a formar as cidadás e cidadáns do futuro. Ten ampla experiencia na realización de accións educativas permanentes en máis de 41 centros de ensino secundaria e 57 centros de ensino primaria.