Redes
Dende SI Galicia estamos convencidos da importancia de traballar en rede con outras organizacións que comparten as nosos inquedanzas e buscan obxectivos afíns ós nosos.
A participación en redes internacionais, plataformas nacionais, coordinadoras autonómicas ou grupos de traballo locais son algunhas das fórmulas das que Solidariedade Internacional de Galicia forma parte baixo a certeza de que ese debe ser o camiño se queremos acadar os nosos fins.
En Galicia
Solidariedade Internacional de Galicia forma parte da Coordinadora Galega de ONGd´s, ónde participa activamente tanto como membro da Xunta Directica como nas comisións de traballo de comercio xusto, xénero e incidencia política.
Solidariedade Internacional de Galicia forma parte da Asociación Fiare Galiza, un proxecto de creación e consolidación dun sistema de Banca Ética. Como entidade que promove o consumo responsable en todas as súas facetas, non podemos deixar de lado unha con tantas implicacións coma a da banca, e é por isto que dende o pasado 4 de decembro do 2009, entramos a formar parte da Asociación Fiare Galiza dende a que traballará para poder ofrecer un sistema bancario alternativo.
En España
Solidariedade Internacional de Galicia como membro da organización estatal Solidaridad Internacional Solidaridad Internacional é membro da Plataforma 2015 y más, creada en 2002, que plantexa mecanismos de acción e de sensibilización para adaptar as propias axendas e as axendas de política de desenvolvemento da administración ós Obxcetivos do Milenio de Nacións Unidas.
En Europa
Dende Solidaridad Internacional, nos países europeos levamos a cabo unha labor que consiste na presión política frente ós gobernos, empresas e institucións. Isto se leva a cabo de forma coordinada con outras organizacións, reunidas na rede europea SOLIDAR, que agrupa a 50 ONG que traballan en preto de 90 países para promover a xustiza social en Europa e en todo o mundo. Solidar actúa principalmente en tres áreas: temas sociais (unha Europa máis social), cooperación internacional para o desenvolvemento e educación.
