Nós
Solidariedade Internacional de Galicia é unha ONGD creada no ano 1996 para cubrir e cumprir, na Comunidade Autónoma de Galicia, os mesmos obxectivos que ten a Fundación Española para la Cooperación – Solidaridad Internacional.
Misión
SOLIDARIEDADE INTERNACIONAL DE GALICIA é unha Organización non Gobernamental de Desenvolvemento (ONGD) galega, de carácter laico, que promove a xustiza social a través de:
- Proxectos de cooperación internacional
- Axuda humanitaria e de emerxencia
- Educación para o desenvolvemento e sensibilización
- Comercio xusto
- Presión política
Con todas as súas actividades trata de alcanzar un modelo de sociedade baseado no:
- Desenvolvemento económico, social e cultural, harmónico, sostible e equilibrado;
- Protagonismo das organizacións locais;
- Erradicación da pobreza, a discriminación e a marxinación;
- Solidariedade entre os países e no interior de cada un dos países;
- Acceso xusto ós mercados nacionais e internacionais;
- Xestión sostible dos recursos naturais e a mellora do medio ambiente ;
- Logro de niveis de vida dignos para as poboacións máis pobres e o pleno acceso ós bens públicos globais;
- Equidade no trato e o respecto á identidade de xénero, a orixe racial, étnica ou social, a nacionalidade, relixión ou crenzas, a orientación sexual, as diminucións ou a idade como dereitos inalienables de todos os seres humanos.
Contando con todos estes elementos, S.I. optou por un modelo de cooperación que non produza novas dependencias, que consolide e reforce os procesos de desenvolvemento humano autónomo e sostible, que traballe sempre con organizacións locais, promova a participación dos beneficiarios e a igualdade de oportunidades entre homes e mulleres.
Fins da organización
Segundo o establecido no artigo 5 dos estatutos da asociación, son obxectivos da mesma:
- Financiar proxectos de cooperación ó desenvolvemento e plans de cooperación técnica nos seguintes terreos:
- Centro América: Honduras, Guatemala, Nicaragua.
- Sur América : Bolivia, Ecuador e Colombia.
- África: Campamentos de Refuxiados Saharauís e Senegal.
- Oriente Próximo: Franxa de Gaza e Cisxordania.
- Articular a captación de fondos de solidariedade, tanto da sociedade galega como das institucións.
- Promover campañas de sensibilización e educación para o desenvolvemento entre a sociedade galega.
- Realizar actividades culturais e promoción sociocultural que contribúan a comprensión en Galicia da pluralidade cultural do mundo.
- Realizar actividades para promover valores solidarios entre a poboación nova.
- A promoción, difusión e venda de productos de alimentación e artesanía de comercio xusto.
- A promoción e fomento do voluntariado entre a sociedade galega.
Os beneficios que se obteñan por calquera actividade derivada destes conceptos destinaranse exclusivamente ó cumprimento dos obxectivos aquí presentados, sen que se poidan, en ningún caso, repartir entre os asociados nin outras persoas físicas ou xurídicas con interese lucrativo.
